Türkiyədə 6,8 bal gücündə zəlzələ baş verib.
Biosfer.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Yeraltı təkanlar Elazığ şəhərinin Sivrice rayonunda dünən 20.55-də qeydə alınıb. Təkanların ocağı yerin 7 kilometr dərinliyində olub.
Elazığ və Malatya şəhərlərində ölənlərin sayı 20-yə çatıb. Hadisə nəticəsində 1015 nəfər yaralanıb.
Avropa Aralıq Seysmologiya Mərkəzinin məlumatına görə, zəlzələ İsrail, İraq və Suriyada da hiss olunub.
