Çexiya yaşıl mənbələrdən hasil edilən elektrik enerjisinin səviyyəsini təzəcə qədəm qoymuş yeni onillikdə 22 faizə çatdırmaq niyyətindədir.
Biosfer.az xəbər verir ki, bu günlərdə Praqa ölkənin enerji-iqlim xartiyasını bəyənib. Çexiya hökuməti həmin xartiyanı Brüsselin tələblərini nəzərə alaraq işləyib hazırlayıb. Avropa Komissiyası bir il əvvəl bəyan edib ki, Çexiyadan bu ölkədə alternativ mənbələrdən elektrik enerjisinin payının 23 faizə qədər artırılacağını gözləyir. Bəzi deputatlar daha da irəli gedərək hökumətdən həmin səviyyəni 2030-cu ilədək 24 faizə çatdırmağı tələb edib.
