Piraniya balığı nəyə görə məşhurdur?

Google+ Pinterest LinkedIn Tumblr +

Cənubi Amerikanın çay və göllərində çox da böyük olmayan, təxminən 30 santimetr uzunluğunda piraniya balıqları yaşayır. Bəs bu balıqlar niyə görə məşhurlaşıb? Acgözlüyünə, ülgüc kimi iti dişlərinə və aqressivliyinə görə.

Biosfer.az xəbər verir ki, piraniyalar qarşılarına çıxan bütün heyvanlara, istər balıq olsun, istərsə də suya düşən hər hansı başqa heyvan, hamısına hücum edir. Piraniya sürüsü bir göz qırpımında öküzü elə parçalayar ki, ondan yalnız quru sümük qalar.

Sürüləri piraniyaların yaşadığı çaydan keçirməyə məcbur olan çobanlar heyvanların birini bu yırtıcılara qurban verməli olurlar. Piraniyaların başı bu heyvana qarışdığı müddətdə, sürü çayı salamat keçə bilir.

Vəhşi heyvanlar da hiyləgərlikdə insanlardan geri qalmır. Çaydan su içmək və ya onu keçmək üçün onlar piraniyaların başını səs-küylə qatırlar. Piraniya sürüsü səs gələn tərəfə cuman zaman vəhşi heyvanlar cəld su içir və yaxud digər sahilə keçirlər.

Piraniyaların bədxahlığı hətta onların öz aralarında didişməsinə, biri-birinə hücum etməsinə gətirib çıxarır. Lakin buna baxmayaraq bəzi həvəskar-akvariumçular bu balıqları evdə saxlamağa risk edirlər. Deyilənə görə, təbii yaşam arealından məhrum olan piraniya öz aqressivliyini itirir.

Paylaş