Latviyada son 60 ilin ən qısamüddətli qarlı günləri qeydə alınıb

Google+ Pinterest LinkedIn Tumblr +

Ötən ilin oktyabr ayından başlayaraq Latviyada orta hesabla cəmi dörd gün bir santimetr hündürlüyündə qar örtüyü müşahidə olunub.

Biosfer.az xəbər verir ki, Latviyanın Ətraf Mühit, Geologiya və Meteorologiya Mərkəzindən verilən məlumata görə, bu da son 60 ildə qeydə alınan ən qısamüddətli qarlı günlərdir.

Daha əvvəl ən qısamüddətli qarlı günlər 2013-2014-cü illərin qışında qeydə alınmışdı. Həmin vaxt oktyabr ayının 1-dən yanvar ayının 16-dək qarlı günlərin sayı səkkiz gün təşkil etmişdi.

Builki qış mövsümündə ölkənin Kurzeme və Aynaji şəhərlərinin ərazisinə, ümumiyyətlə, qar yağmayıb. Latviyada bu qış mövsümündə ən uzunmüddətli qar örtüklü günlər – 13 gün Aluksnedə qeydə alınıb. Paytaxt Riqada isə qar örtüyü 3 gün ərzində müşahidə olunub.

Sinoptiklərin verdiyi məlumata görə, ölkədə uzunmüddətli qarlı hava şəraiti qış mövsümünün ikinci yarısında da gözlənilmir.

Paylaş