Azərbaycan Dövlət Turizm Agentliyi eko və aqroturizmin inkişafı üçün fəal işləyir.
Biosfer.az Trend-ə istinadən bildirir ki, bunu Agentliyin aparat rəhbəri Kənan Qasımov deyib.
Onun sözlərinə görə, hazırda ümumilikdə turizm sektoruna, o cümlədən aqroturizm, ekoturizm, dağ turizmi kimi sahələrə xarici investisiyaların cəlb olunması ilə bağlı sənəd hazırlanır:
“Biz bu sənədi bu ilin sonunadək hazırlamağı planlaşdırırıq”.
Aparat rəhbəri qeyd edib ki, turizm sahəsində ciddi islahatlar keçirilib ki, bunların əsasında turizm sənayesinin inkişafına yönəlmiş stimullaşdırıcı paket hazırlanıb.
O əlavə edib ki, bu sahədə islahatlar növbəti illərdə də həyata keçiriləcək.
