İndoneziyada sunami nəticəsində ölənlərin sayı artaraq 222 nəfərə çatıb.
Biosfer.az xəbər verir ki, bu barədə bazar günü yerli hakimiyyət orqanlarının bəyanatlarına istinadən “Frans Press” məlumat yayıb.
Hazırda insanların fəlakət zonasında təxliyə işləri davam edir. Təbii hadisə zamanı itkin düşənlər də var. Həmçinin yüzlərlə insanın yaralandığı bildirilir. Sunami 400-dən çox evə və mehmanxanaya zərər vurub.
Sunami Yava və Sumatra adalarını ayıran Zond körfəzində qeydə alınıb.
