Balqabaq ağ ciyər xərçəngi riskini azaldır – FOTO

Biosfer.az xəbər verir ki, balqabağın bəzi ağ ciyər xərçəngi riskini azaltdığı üzə çıxıb.

Araşdırmalar zamanı məlum olub ki, tərkibi beta karotenlə zəngin bir pəhriz bəzi xərçəng növlərinə yoluxma riskini azaldır, ürək-damar xəstəliklərinə qarşı orqanizmi qoruyur.

Balqabağın 90 faizi sudan ibarətdir, tərkibində lif çox, kalorisi azdır. 1 stəkan qaynadılmış, süzülmüş, bişirilmiş, duzsuz balqabaq 49 kaloridir. Tərkibində 2 qram protein, 12 qram karbonhidrat, 3 qram lif var. C vitamini mənbəyidir. Xəstəliklərə qarşı mübarizə aparan potasium, pantotenik turşu, maqnezium, C və E vitaminləri, dəmir, sink, selenium, kalsium, niasin və folat da balqabağın tərkibində var.

Balqabağın tərkibindəki beta karoten bitki karotenoidlərindən biridir və orqanizmdə A vitamininə çevrilir. A vitamini isə sağlamlıq üçün vacibdir.

Araşdırmalar məlub edib ki, tərkibi beta karotenlə zəngin bir pəhriz ağ ciyər, dəri, döş və bir sıra xərçəng növlərinə yoluxma riskini azaldır. Bundan başqa ürək-damar sistemi xəstəliklərinə qarşı da orqanizmi qoruyur.

Beta karotenlə zəngin digər meyvə və tərəvəzlər bunlardır: yerkökü, gül kələm, şirin kartof, qaysı, yaşıl yarpaqlı tərəvəzlər. (ölkə.az)