“Bu gün Bayılda yeni sürüşmə sahəsindəki çatlara mayaklar qoyulacaq”.
Bunu Biosfer.az-a açıqlamasında Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.
O bildirib ki, mayaklar qoyulandan sonra ərazidəki dəyişiklikləri müşahidə etmək mümkün olacaq: “Çatlarda olan dəyişiklikləri gözlə görmək mümkün deyil, mütləq mayaklar qoyulmalıdır”.
Ə.Qaralov qeyd edib ki, qışda, yanvar ayında baş verən sürüşmə ərazisində aparılan işlərin hesabatı hazırlanır: “Hesabatın hazırlanması işini sürətləndirmişik. Çalışırıq vaxtından əvvəl hesabatı hazırlayıb təqdim edək”.
